Ցանցերի եւ բարդության տեսությունների միջդասակարգային խմբի մասնագետները Մաքսիմիլիան Շիհի ղեկավարությամբ  Թեքսասի համալսարանում մարդկության մշակույթի զարգացման գիտական մոդել են ստեղծել:

Գիտնականները հետեւել են, թե ինչպես են հանճարները  ծննդավայրից գաղթում մինչեւ մահվան վայր:  Ըստ էության` սա համաշխարհային մշակույթի եւ գիտության զարգացման մոդելն է` սկսած  մ. թ. ա  600 թ. մինչեւ 2012 թ., փոխանցում է «Բայկալ 24»-ը:

Գիտնականները վերլուծել են 150 հազար ամենահայտնի մարդկանց  տեղաշարժերը` վերջին 2 հազար տարվա ընթացքում:

Պարզվել է, որ այդ ժամանակահատվածում մարդկանց տեղափոխման արագությունը փոխվել է ավելի քան 100 անգամ, իսկ ահա  «կյանքի եւ մահվան հեռավորությունը»`  214 -382 կմ:

Երկրորդ հետաքրքիր փաստը.  մշակութային կենտրոնները ոչ միշտ են ծագում տնտեսական կենտրոններում: Վերլուծությունը ցույց է տվել, որ  դրանք առաջացել են այն վայրերում, որտեղ ամենատարբեր տեսակի մարդիկ կարողացել են միասին հավաքվել` գաղափարների ազատ փոխանակման համար: 

Գիտնականներն ընդունել են նաեւ տվյալների թերությունները: Այսպես, բազայում քիչ տեղեկություններ կան հին Չինաստանի, Ճապոնիայի, Հնդկաստանի, Աֆրիկայի, Հարավային Ամերիկայի մասին: