Աշոտ Գաբրելյանովը լքում է News Media հոլդինգի գործադիր տնօրենի եւ LifeNews-ի գլխավոր տնօրենի պաշտոնը, գրում է «Վեդոմոստին»:  Գաբրելյանովը հաստատել է այս տեղեկությունը:

Իր հոր` Արամ Գաբրելյանովի հիմնադրած News Media ընկերությունը կառավարում է LifeNews կայքը, նույնանուն ալիքը, «Իզվեստիա» թերթը, Super կայքը, «ռուսսկայա սլուժբա նովոստեյ» ռադիոկայանը,  «Տվոյ դեն» թերթը, զբաղվում է նաեւ  ծաղրանկարների թողարկմամբ: Աշոտ Գաբրելյանովը կարիերան սկսել է հոլդինգում` 10 տարի առաջ, որպես  ստաժոր:  Վերջին ժամանակներս այն իրականացնում էր LifeNews լրատվական ալիքի հեռարձակումը: 2015 թ. Արամ Գաբրելյանովի News Media-ն ծրագրում է թողարկել Super մալուխային հեռուստաալիքը:

Գաբրելյանովը թերթին պարզաբանել է, որ LifeNews-ից իր հեռանալը կապված է սեփական Babo նախագծով զբաղվելու հետ` հարթակ հեռուստաալիքների համար, որոնցով նրանց հասանելի է դառնում  օգտվողների տեսագրությունը: Օգտվողները կարող են Babo-ում  տեսագրություններ տեղադրել, որոնք անհրաժեշտ են մամուլին աշխատանքի համար: Նախագիծն այդպես է անվանվել իր նախատատի պատվին: Դա իր անձնական նախագիծն է, News Media –ն նրանում չի մասնակցում: