նախընտրելի դարձնել
ԱՄՆ-ի Պետդեպը հետեւում է Սայիդ Նուրիի գործին եւ Ադրբեջանի իշխանություններին կոչ է անում բացատրություն ներկայացնել Բաքվում նրա ձերբակալման հետ կապված: Այս մասին Վաշինգտոնի ճեպազրույցում հայտարարել է Պետդեպի ներկայացուցիչ Ջեն Պսակին:
Պետդեպը եւ ԱՄՆ-ի դեսպանատունը կապի մեջ են Ադրբեջանի իշխանությունների հետ ԱՄՆ-ի քաղաքացու գործով: «Մենք մշտական կապի մեջ ենք նրա հետ եւ հյուպատոսական բոլոր հնարավոր ծառայությունները մատուցում ենք: Հյուպատոսական բաժնի ներկայացուցիչը նրա հետ հանդիպել էր սեպտեմբերի 5-ին»,- հայտարարել է Պսակին:
Հիշեցնենք, ԱՄՆ-ի քաղաքացի Սայիդ Նուրին նախորդ շաբաթ ԱՄՆ թռչելիս ձերբակալվել էր Բաքվի օդանավակայանում:
