Եմենի մայրաքաղաքում ոստիկանները կրակ են  բացել շիական զեյդիտների աղանդի ցուցարարների ուղղությամբ, որոնք խմբվել էին Սանայում կառավարական շենքերի համալիրի մոտ:

 Ամբոխի շարքերում հրմշտոց է սկսվել: Ըստ տեղի լրատվամիջոցների՝ առնվազն չորս մարդ զոհվել է, փոխանցում է BBC-ի ռուսական ծառայությունը:

 Շեյխ Աբդուլ Մալիքի  հազարավոր հետեւորդները պահանջում են կառավարության հրաժարականը եւ վառելիքի սուբսիդիաների վերականգնում:

Սեպտեմբերի 8-ին իշխանությունները վտարել էին անվտանգության ծառայության ղեկավարին՝ զանգվածային ցույցը դադարեցնելու անկարողության համար:

Հյուսիսային Ջաուֆ նահանգում կառավարական օդային ուժերը ավիահարվածներ են հասցնում ապստամբների դիրքերին:

Նախորդ շաբաթ առնվազն 40 մարդ էր զոհվել Ջաուֆի բախումներից: