նախընտրելի դարձնել
Ուկրաինայի նախագահ Պյոտր Պորոշենկոն հեռախոսազրույց է ունեցել Ֆրանսիայի նախագահ Ֆրանսուա Օլանդի հետ, հաղորդում է Պորոշենկոյի մամուլի ծառայությունը:
Պատժամիջոցների նոր մակարդակի համատեքստում, որոնք կկիրառվեն ԵՄ որոշմամբ, Օլանդը նշել է, որ դրանք կարող են վերանայվել մինչեւ այս ամսվա վերջ, եթե իրավիճակի դեէսկալացիայի գործընթացում առաջընթաց արձանագրվի:
Զրուցակիցները համաձայնել են, որ նման առաջընթացի նշան կարող է լինել «ռուսական զորքերի դուրսբերումն Ուկրաինայի տարածքից, պատանդների ազատ արձակումը, ԵԱՀԿ-ի օգնությամբ սահմանին վերահսկողության հաստատումը»:
Պորոշենկոն կոչ է արել ավելացնել ԵԱՀԿ հատուկ մոնիթորինգային առաքելության թվաքանակը եւ բարելավել դրա տեխնիկական հագեցվածության մակարդակը:
Օլանդը համաձայնել է շարունակել ակտիվ մասնակցությունը «Նորմանդյան ձեւաչափով» (Ուկրաինա, Ֆրանսիա, Գերմանիա, Ռուսաստան) բանակցություններին:
