Այսօր` հունիսի 21-ին կավարտվի աշխարհի առաջնության խմբային փուլի երկրորդ տուրը: Վաղը կմեկնարկի երրորդ տուրը, որի շրջանակում օրական կանցկացվի չորսական հանդիպում: Դրանք կսկսվեն 19:00-ին եւ 23:30-ին:

Աշխարհի առաջնության 11-րդ օրվա մեկնարկային խաղում, այսօր, 16:30-ին խաղադաշտ դուրս կգան G խմբում հանդես եկող Պորտուգալիայի եւ Հյուսիսային Կորեայի ֆուտբոլիստները:

Բրազիլիայի դեմ առաջին խաղում հյուսիսկորեացիները մեծ ցանկության եւ ջանասիրության շնորհիվ լավ տպավորություն թողեցին եւ նույնիսկ գնդակ խփեցին:

Պորտուգալիայի հավաքականը Կոտ դ’Իվուարի հետ խաղում ոչ մի վտանգավոր պահ չստեղծեց, բացառությամբ Քրիշտիանու Ռոնալդուի հեռվից կատարած հարվածի, որից հետո գնդակը դիպավ դարպասաձողին:

ԿԺԴՀ-ի հավաքականն ամենայն հավանականությամբ դարձյալ կխաղա` ամբողջ թիմով պաշտպանվելով, եւ Պորտուգալիայի հարձակումը թերեւս մեծ խնդիրներ ունենա գնդակ խփելու հարցում:

Այս թիմերի միակ հանդիպումը տեղի է ունեցել 44 տարի առաջ, 1966թ. աշխարհի առաջնության քառորդ եզրափակիչում: Այն ժամանակ արդեն 25-րդ րոպեին հյուսիսկորեացիներն առջեւում էին 3:0 հաշվով, սակայն հետո բաց թողեցին հինգ գնդակ, որոնցից չորսը Էյսեբիոյի հաշվին է: Լեգենդար ֆուտբոլիստն այդ խաղն անվանել է իր կարիերայի մեծագույն հանդիպումը:

Բուքմեյքերների կանխատեսումը. Պորտուգալիայի հաղթանակ` 1,30, ոչ ոքի` 4,60, ԿԺԴՀ-ի հաղթանակ 10,50:

G խումբ Խ Հ Ո Պ Գ Մ
Բրազիլիա
2 2
 0
 0 5-2 6
Պորտուգալիա 1 0 1 0 0-0 1
Կոտ դ’Իվուրա 2
 0 1 1
 1-3 1
ԿԺԴՀ 1
 0 0
 1 1-2 0