նախընտրելի դարձնել
Ֆինլանդիայի պատմության մեջ առաջին անգամ չորս մարդ ահաբեկչության գործով կանգնել է դատարանի առաջ:
Մեղադրող կողմը կարծում է, որ կասկածյալները գումար են հավաքել եւ ուղարկել Արեւելյան Աֆրիկայում գործող «Աշ-Շաբաբ» ծայրահեղական կազմակերպությանը: «Յուլե» ռադիոկայանը փոխանցում է, որ նրանք հավաքել են «մի քանի հազար եվրո՝ քաջ գիտակցելով, թե ինչի վրա են ծախսվելու այդ փողերը»:
Հայտնի է, որ կասկածյալներից մեկը «Աշ-Շաբաբին» անդամագրել է իր եղբորը, ինչպես նաեւ ծրագրել է իր անչափահաս զարմիկի առեւանգումը: Տղան պետք է ուղարկվեր ահաբեկիչների պատրաստման ճամբար, փոխանցում է ԻՏԱՌ-ՏԱՍՍ-ը:
Մեղադրյալները հերքում են 2008-2011 թթ. կատարված հանցագործություններին իրենց մասնակցությունը:
Քրեական ոստիկանությունն այս գործի քննությունն սկսել էր 2011 թ.: Քննության ընթացքում հարցաքննվել է վեց մեղադրյալ եւ շուրջ 40 վկա: Երկու կասկածյալ ազատ են արձակվել՝ մեղքը չապացուցվելու հիմնավորմամբ:
