նախընտրելի դարձնելՖինն գիտնականները պարզել են, որ տղամարդու համար կնոջ իդեալական տարիքը 23- 28 տարեկանն է: Ընդ որում՝ տղամարդիկ կարող են լինել ցանկացած տարիքի:
Պարզվել է, որ հակառակը, գեղեցիկ սեռի ներկայացուցիչներին գրավում են տարեկիցները, կամ էլ տարիքով ավելի մեծ տղամարդիկ:
Ֆինն գիտնականները զուգընկերոջ նախընտրելի տարիքի վերաբերյալ հարցում են անցկացրել 12,5 հազար տղամարդու եւ կնոջ շրջանում, փոխանցում է Medikforum-ը: Բոլոր տարիքի տղամարդկանց ճնշող մեծամասնությունը նշել են 24-25 տարեկանը՝ որպես կնոջ կատարյալ տարիք:
Ըստ ուսումնասիրության հեղինակների՝ ենթագիտակցաբար տղամարդկանց ճաշակի վրա ազդում է էվոլյուցիան: Բանն այն է, որ 25 տարեկանում աղջիկն իր «պտղաբերության» գագաթնակետին է, նշանակում է, որ տղամարդուն հայր դարձնելու հնարավորություններն առավելագույն են:
Ինչ վերաբերում է կանանց, նրանց գրավում են տարեկից տղամարդիկ կամ էլ մի փոքր ավելի տարեցները, քանի որ նրանք ավելի կայուն են եւ ֆինանսապես ապահովված:
