նախընտրելի դարձնելԱդրբեջանցի իրավապաշտպան Լեյլա Յունուսի հարազատները եւ ընկերները դիմել են Բրիտանիայի կառավարությանը եւ «British Petroleum» նավթային ընկերության ղեկավարությանը` Ադրբեջանի բանտից նրան ազատելու հարցում օգնելու խնդրանքով, հայտնում է The Telegraph-ը:
Թերթը գրում է, որ Յունուսը մի անգամ թարգմանություն էր կատարել Մարգարեթ Թեթչերի համար:
Լեյլա Յունուսն ու նրա ամուսինը մեղադրվում են Հայասանի օգտին լրտեսության, ապօրինի գործարարության եւ խարդախության մեջ: Լեյլան ձերբակալվել էր հուլիսի 30-ին, ամուսինը՝ Արիֆը, հինգ օր անց: Գտնվելով բանտում` Լեյլա Յունուսը բազմիցս հայտարարել է ծեծի եւ խոշտանգումների մասին:
Միջազգային հանրությունը ամուսիններին ճանաչել է խղճի գերիներ: Ներկայումս Ադրբեջանի քաղբանտարկյալների թիվը հասել է 100 –ի:
Յունուս ամուսինները ձերբակալվել են Ռաուֆ Միրկադիրովի գործի շրջանակներում, որը մեղադրվում է Հայաստանի հատուկ ծառայությունների հետ համագործակցության մեջ:
