նախընտրելի դարձնելՆավթի համաշխարհային գները նվազում են շուկայում առաջարկի մեծության ֆոնին, ընդ որում՝ որոշ ներդրողներ վախենում են, որ ԱՄՆ-ն նավթային շուկայում կպայքարի OPEC-ի դեմ, վկայում են աճուրդների տվյալները:
Brent նավթի գինը նվազել է 1,41% -ով՝ մինչեւ 68,11 դոլար մեկ բարելի դիմաց: WTI նավթի հունվարյան ֆյուչերսների գինը նվազել է 1,17% -ով՝ մինչեւ 65,07 դոլար մեկ բարելի դիմաց:
Շուկաները բացասաբար են ընդունել Սաուդյան Արաբիայի որոշումը՝ ԱՄՆ-ին եւ Ասիային հունվար ամսին ռեկորդային զեղչեր տրամադրելու վերաբերյալ: Ասիական երկրների համար արժեքը հասցվել է նվազագույնի՝ 2000 թ. հունիսից ի վեր: Վերլուծաբաննրը մտավախություն ունեն, որ այդպիսով երկրի իշխանությունները որոշել են ուժեղացնել շուկայում մասնաբաժնի համար իրենց պայքարը, փոխանցում է «ՌԻԱ Նովոստին»:
Նավթի գները շարունակել են նվազել ԱՄՆ-ում նավթի արդյունահանման աճին զուգահեռ՝ չնայած նավթի արդյունահանման քվոտան պահպանելու վերաբերյալ OPEC անդամ երկրների որոշմանը, հայտնում է Bloomberg-ը: Վերլուծաբանները կանխատեսել են, որ կազմակերպության որոշումը, որին հետեւել է նավթի գների անկումը, կարող է ոչ շահավետ դարձնել ԱՄՆ-ում թերթաքարային նավթի արդյունահանումը:
