նախընտրելի դարձնելՄեքսիկայում ցուցարարները հարձակվել են ռազմաբազայի վրա: Նրանց կարծիքով՝ 43 ուսանողների անհետացման համար մեղավոր են ոչ միայն ոստիկանները, այլեւ զինվորականները: Ցուցարարները փողոց են ելել երիտասարդների առեւանգումից մեկ ամիս անց, հայտնում է RT-ն:
AP-ը հայտնում է, որ դեկտեմբերի 26-ին հարյուրավոր ցուցարարներ բողոքի ցույց են կազմակերպել քաղաքի ռազմաբազայի մոտ՝ ռազմական շրջանակների ներկայացուցիչներին մեղադրելով երիտասարդների անհետացման համար: Ըստ ուսանողների ծնողների՝ զինվորականները ոչինչ չեն ձեռնարկել առեւանգումը կանխելու համար: Ըստ գործակալության՝ բողոքողները գրել են ռազմաբազայի պատերին եւ քանդել երկաթյա դարպասները:
Զուգահեռ բողոքի ցույց է տեղի ունեցել Մեքսիկայի մայրաքաղաք Մեխիկոյում: Ըստ AFP-ի՝ մասնակցել է շուրջ 3 հազար մարդ, հայտնում է «ՌԻԱ Նովոստին»:
Հիշեցնենք, որ սեպտեմբերի 26-ին Իգուալա քաղաքում անհետ կորել էր 43 ուսանող: Ենթադրվում է, որ նրանց ձերբակալել է տեղի ոստիկանությունը, այնուհետեւ ոստիկանները ուսանողներին հանձնել են տեղի թմրավաճառների հանցախմբին, որտեղ էլ երիտասարդներին սպանել եւ այրել են:
