նախընտրելի դարձնելԿՀՎ-ի խոշտանգումների մասին զեկույցը Սենատի հետախուզական հանձնաժողովի զեկույցն ԱՄՆ-ում դեկտեմբերի 30-ին առանձին գրքով է լույս տեսել:
Melville House անկախ տպագրատունը հայտարարել է, որ 500-էջանի գիրք է թողարկում՝ փափուկ կազմով եւ 50 հազար օրինակով: Միաժամանակ, գիրքը կունենա էլեկտրոնային տարբերակ:
Հատարակչոթյունը զեկույցն անվանել է «հավանաբար, ներկա սերնդի ամենակարեւոր կառավարական փաստաթուղթը», փոխանցում է «ՌԻԱ Նովոստին»:
Տպագրվել է միայն զեկույցի գաղտնազերծված հատվածը. 6 հազար էջանոց ամբողջական տեքստը նախկինի պես գաղտնի է:Դեկտեմբերին տարածված զեկույցը հայտնում է Ջորջ Բուշ կրտսերի նախագահության օրոք ԿՀՎ-ի մի շարք չարաշահումների մասին, ներառյալ ձերբակալվածների խոշտանգումները, առնվազն 26 մարդու անարդարացի ձերբակալությունը՝ ահաբեկչության մեղադրանքով, Կոնգրեսի եւ Սպիտակ տան ապատեղեկատվությունը՝ ԿՀՎ-ի մեթոդների մասին:
