նախընտրելի դարձնելՀոգեկան խնդիրներ ունեցող անձանց առանց դժվարության կարելի է ճանաչել սոցցանցերում, մասնավորապես Twitter-ում: ԱՄՆ Ջոնս Հոփկինսի համալսարանի գիտնականները վերլուծել են 8 մլրդ թվիթ: Դրանցից որոշներում օգտատերերը բացահայտ պատմել են իրենց ախտորոշման եւ առողջական խնդիրների, այդ թվում՝ հոգեկան խնդիրների մասին: Բացի դրանից, գիտնականները կազմել են բառերի, քերականական կառույցների եւ նախադասությունների շարք, որոնք բնորոշ են այս կամ այն հիվանդություններով տառապողներին:
Այսպիսով՝ մասնագետներին հաջողվել է բացահայտել սոցիալական ցանցի օգտատերերի դեպրեսիան, հետտրավմատիկ սթրեսի սինդրոմը, երկբեւեռ եւ սեզոնային աֆեկտիվ խանգարումները:
Գիտնականները վստահեցնում են՝ օգտատերերի հոգեկան խնդիրները տեսնելու համար բավական է ուսումնասիրել նրանց գրառումները սոցկայքում:
