նախընտրելի դարձնելՄոսկվայի քաղաքային դատարանը օրինական է ճանաչել մինչեւ փետրվարի 14-ը «Իվ Ռոշեի» գործով անցնող Ալեքսեյ Նավալնու կալանքը երկարացնելու որոշումը, հայտնում է ՏԱՍՍ-ը: Այդպիսով, պաշտպանության բողոքը չի բավարարվել:
2014թ. դեկտեմբերի 30-ին Ալեքսեյ եւ Օլեգ Նավալնիները մեղավոր էին ճանաչվել «Մեքենայություն գործարարական գործունեության ոլորտում» հոդվածով: Նրանց մեղադրել էին «Իվ Ռոշեից» 26 մլն ռուբլի եւս ավելի քան չորս միլիոն ռուբլի էլ այլ ընկերությունից յուրացնելու, ինչպես նաեւ յուրացումների մի մասն օրինականացնելու մեջ:
Ալեքսեյ Նավալնին 3,5 տարվա պայմանական ժամկետի էր դատապարտվել, նրա եղբայր Օլեգը՝ 3,5 տարվա գաղութի:
Դատարանը Ալեքսեյի խափանման միջոցը երկարացրել էր մինչեւ դեկտեմբերի կեսերը: Ավելի վաղ տնային կալանքի ժամկետը լրանում էր հունվարի 14-ին:
Նավալնիների պաշտպանությունը բողոքարկել էր դատավճիռը՝ պահանջելով արդարացնել նրան: Բողոքարկում էր ներկայացրել նաեւ դատախազությունը: Մեղադրող կողմը դատավճիռը խիստ մեղմ է համարում: Այսպիսով, դատարանի վճիռը առայժմ օրինական ուժ չի ստացել:
Սա ընդդիմադիր Ալեքսեյ Նավալնու համար երկրորդ պայմանական ժամկետն է: 2013թ. նա հինգ տարվա պայմանական ժամկետ էր ստացել «Կիրովլեսի» գործով: Նրան մեղավոր են ճանաչել 10 հազար քմ-ից ավելի անտառային արտադրանքի յուրացման մեջ:
