Լոնդոնում բրիտանացի պատգամավորների շրջանում հայտնի Cinnamon Club հնդկական ռեստորանը հաճախորդներին սկյուռի մսից պատրաստած ուտեստ է առաջարկել։ Այս մասին  գրում է Metro-ն։  Նրբահամ ուտեստն արժե 22 ֆունտ ստերլինգ։

«Սկյուռի միսն այն ուտելիքը չէ, որը սովորաբար ասոցացվում է ռեստորանային խոհանոցի հետ։ Սակայն սկյուռի միսը յուրահատուկ ռենեսանս է ապրում լոնդոնցի գլխավոր խոհարարների ձեռքի տակ»,- հայտարարել է Cinnamon Club-ի մամուլի քարտուղարը։

Ինչպես հիշեցրել է ռեստորանի ներկայացուցիչը, սննդի մեջ սկյուռի մսի օգտագործումը նոր բան չէ։ «Ծանր ժամանակներում այս ուտելիքը հաճախ էր հայտնվում բրիտանացիների սեղաններին,- գրում է Gazeta-ն։ 

Խորհրդարանական Ֆրենկ Ֆիլդը նոր ուտեստը փորձելուց հետո նշել է, որ սկյուռի միսը իր համով հիշեցնում է ճագարի եւ աղավնու մսի խառնուրդ։

Cinnamon Club-ում սկյուռի միս կարելի է համտեսել փետրվարի 21-ից։