ՀՀ քննչական կոմիտեի ՀԿԳ քննության գլխավոր վարչությունում շարունակվում է քաղաքացի Մ.Մելիքբեկյանի առեւանգման դեպքի առթիվ հարուցված քրեական գործի նախաքննությունը: Ձեռնարկված միջոցառումների արդյունքում պարզվել է առերեւույթ հանցագործություն կատարած անձանց ինքնությունը։

ՀՀ քննչական կոմիտեի տեղեկատվության եւ հասարակայնության հետ կապերի բաժնից հայտնում են, թե հանձնարարություն է տրվել ոստիկանության համապատասխան ստորաբաժանումներին՝ ձեռնարկել օպերատիվ-որոնողական միջոցառումներ՝ նրանց հայտնաբերելու եւ քննությանը ներկայացնելու համար։

Հաշվի առնելով հանրության հետաքրքրությունը՝ տեղեկացնում ենք, որ քրեական գործի շրջանակներում կատարվել են մի շարք խուզարկություններ, այդ թվում՝ Ս.Ղալթախչյանի՝ Աչաջուր գյուղում գտնվող տանը եւ դրա օժանդակ շինություններում, որի ընթացքում  հայտնաբերվել եւ առգրավվել է ռազմամթերք՝ թվով 18 փամփուշտ:

2015 թվականի փետրվարի 11-ին Ս.Ղալթախչյանը ձերբակալվել է:  Նախաքննությունը շարունակվում է:

Արդյունքների մասին տեղեկություն կտրամադրվի լրացուցիչ։