Հայաստանում պաշտոնական այցով գտնվող Ռուսաստանի փոխվարչապետ Ալեքսանդր Ժուկովին Երեւանում առաջարկել են ներդրումներ կատարել՝ Սեւանում մարզաբազա կառուցելու համար։ Ա. Ժուկովը դրական է արձագանքել առաջարկությանը։ «Այնտեղ բարձրությունը 1 կմ 900 մետրից ավելի է, որը լավ պայմաններ է ստեղծում մարզիկների՝ բարձրլեռնային պայմաններում մարզվելու համար։ Եթե այդպիսի բազա ստեղծվի՝ ապա այն կարող է լավ համալրում դառնալ Ծաղկաձորի բազայի համար, ուր կարող են մարզվել թեթեւատլետներ, լողորդներ, դահուկորդներ, ինչը մեզ համար շատ կարեւոր է»,- ասաց Ռուսաստանի փոխվարչապետը։