Ուշագրավ դեպք է գրանցվել ամերիկյան հեռուստաընկերություններից մեկի եթերում. սեռական ոտնձգության համար կասկածվող անձի լուսանկարի փոխարեն ցուցադրվել է ԱՄՆ-ի նախագահ Բարաք Օբամայի լուսանկարը:

Ria.ru-ի հաղորդմամբ՝ սխալմունքը տեղի է ունեցել Fox 5-ի եթերում (հեռարձակվում է Սան Դիեգո քաղաքից)՝ լուրերի թողարկման ժամանակ: Մինչ հաղորդավարը ընթերցել է լուրն առ այն, որ «Սան Դիեգոյի պետական համալսարանում տեղի ունեցած  սեռական ոտնձգության միակ կասկածյալին մեղադրանք չի առաջադրվելու», նրա հետնամասում առնվազն 5 վայրկյան երևացել է Սպիտակ տան ղեկավարի լուսանկարը՝ հետեւյալ գրությամբ «Մեղադրանք չկա»:

Գործակալությունն ընդգծում է, որ հեռուստաալիքը կատարվածի կապակցությամբ բողոքներ չի ստացել, Fox 5-ի ղեկավարությունն էլ առայժմ ներողություն չի խնդրել:

 «Նրանք ներողություն չեն խնդրում, երբ  նման մանրուքներ են լինում»,- հայտարարել է հեռուստաալիքի խմբագիր Մայք Ուիլը: