ՀՀ կրթության եւ գիտության նախարար Արմեն Աշոտյանը հրաման է ստորագրել  ՀՀ ԿԳՆ «Լոռու մարզի Տաշիրի ավագ դպրոց» պետական ոչ առեւտրային կազմակերպությունը զոհված բժիշկ-ազատամարտիկ Արտակ  Խաչատրյանի անունով կոչելու վերաբերյալ:

Բժիշկ Արտակ Խաչատրյանը եղել է տվյալ դպրոցի շրջանավարտ, կամավոր մասնակցել է արցախյան ազատամարտին. մեծ է եղել նրա ներդրումը արցախյան ազատամարտի եւ հայոց բանակի ռազմական բժշկության կայացման գործում: Արտակ Խաչատրյանը զոհվել է 1993 թվականին ապրիլի 17-ին, պարգեւատրվել է ՀՀ եւ ԼՂՀ «Արիության» մեդալներով: Տաշիրի ավագ դպրոցն ազատամարտիկի հիշատակին անվանակոչելու նախաձեռնությամբ ՀՀ ԿԳ նախարարին դիմել են հերոսի մարտական ընկերները եւ դպրոցի մանկավարժական խորհուրդը: