նախընտրելի դարձնել
Լիտվայի խորհրդարանը հինգշաբթի հատուկ շտապ կարգով որոշում է կայացրել վերականգնել բանակի զորակոչը։
Որոշվել է, որ զինծառայողների քանակը այս տարի կկազմի 16 հազար 840-ից մինչեւ 21 հազար 960։ Նախկինում հաստատված թիվը կազմում էր 14 340-ից 18 460։
Նախատեսվում է, որ նախնական զինծառայության զինվորականների առավելագույն թիվը կլինի տարեկան 3550-ից 5090։
Լիտվայի պաշտպանության նախարար Յուոզաս Օլյակասը պարզաբանել է, որ զորակոչի մասնակի վերականգնումը թույլ կտա լրացնել զինվորական մասերը եւ նախապատրաստել պահեստազորը։
Հիշեցնենք, որ Լիտվայի պաշտպանության պետական խորհուրդը առաջարկել էր 5 տարով վերականգնել բանակային զորակոչը։ Տարեկան բանակ կզորակոչվի 19-26 տարեկան 3-3.5 հազար երիտասարդ։
Լիտվան զորակոչից հրաժարվել էր 2008թ.։
