Հռոմի պապ Ֆրանցիսկոս 1-ինը հայտարարել է, որ մահապատիժը մարդուն պատժելու անթույլատրելի ձեւ է՝ անկախ նրանից, թե ինչ բնույթի հանցանք է նա գործել։

Վատիկանում «Ընդդեմ մահապատժի» միջազգային հանձնաժողովի անդամների հետ հանդիպման ժամանակ Ֆրանցիսկոս 1-ինը  ընդգծել է, որ պատժի ամենածանր տեսակը ինքն իրենով խախտում է մարդու կյանքի անձեռնմխելիության օրենքը։ Այս մասին գրում է  BBC-ի Ռուսական ծառայությունը։

Ընդ որում պոնտիֆիկոսը նշել է, որ մարդկությունը դեռեւս չի ստեղծել մահապատժի իրականացման մարդասիրական միջոցներ։