Հայաստանի ՏԿԱԻՆ-ում, մարտի 25-ին, ժամը 23.41-ին ահազանգ է ստացվել, որ Երեւանի Հաղթանակ թաղամասի 1-ին փողոցի սկզբնամասում «Օպել» մակնիշի ավտոմեքենան բախվել է գազատար խողովակին, առկա է գազի արտահոսք. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ 1-ին փողոցի թիվ 22 տան մոտակայքում «Օպել Աստրա» մակնիշի 1603 GT համարանիշի ավտոմեքենան բախվել է ճամփեզրի գազատար խողովակին, դուրս եկել ճանապարհի երթեւեկելի հատվածից եւ շրջվել, տուժածներ չկան:

Հրշեջ-փրկարարներն ուղղել են ավտոմեքենան եւ ամրացրել գազատար խողովակը:

Գազի վթարային ծառայության աշխատակիցները դադարեցրել են արտահոսքը: