«Հայոց աշխարհ» թերթը մեջբերել է թուրքագետ Արտակ Շաքարյանի խոսքը: Նա ասում է. «Շուտով Թուրքիայում սկսվելու է նախընտրական գործընթաց` կապված 2011թ. խորհրդարանական ընտրությունների հետ, իսկ այդ ընթացքում խոսել հայ-թուրքական բարեկամության մասին, քաղաքական ինքնասպանություն է: Այդ պատճառով էլ կարիք չկա ակնկալել հայ-թուրքական հարաբերությունների ակտիվացում:  Սակայն, եթե ընտրություններում Էրդողանի ղեկավարած կուսակցությունը հաղթի, ապա, կարծում եմ, Թուրքիան կսկսի ավելի ակտիվ զբաղվել հայ-թուրքական հարաբերությունների կարգավորմամբ, քանի որ մոտենում է Մեծ եղեռնի հարյուրամյակը` 2015 թվականը, որը նրանց համար հոգեբանական տարեթիվ է»: