նախընտրելի դարձնել
Եվրահանձնաժողովի նախագահ Ժան Կլորդ Յունկերը նախազգուշացրել է եվրագոտուց Հունաստանի դուրս գալու հնարավոր հետեւանքների մասին:
Հունաստանի հեռացումը եվրագոտուց կարող է հանգեցնել Եվրոպայի հանդեպ միջազգային ներդրողների վստահության նվազմանը, գերմանական Suddeutsche Zeitung-ին տված հարցազրույցում հայտարարել է նա:
Եվրահանձնաժողովի ղեկավարը կոչ է արել Արժույթի միջազգային հիմնադրամին շարունակել Հունաստանի տնտեսությունը փրկելուն ուղղված ջանքերը, հաղորդում է «Ինտերֆաքսը»:
Բացի այդ, Յունկերը սպառնացել է Հունգարիային հեռացնել ԵՄ-ից, եթե այդ երկրի վարչապետ Վիկտոր Օրբանը հավանություն տա մահապատժի վերականգնմանը, հաղորդում է BBC News-ը:
Ապրիլի վերջին Օրբանը առաջարկել էր ԵՄ իր գործընկերների հետ բանավեճ սկսել՝ երկրում մահապատիժը վերականգնելու խնդրի շուրջ:
Յունկերի խոսքով, Հունգարիայում մահապատժի վերականգնումը կարող է ԵՄ-ի հետ «բաժանման առիթ դառնալ»:
