Ֆրանսիայի ֆուտբոլի ֆեդերացիան աշխարհի առաջնության ժամանակ հրահրած սկանդալի համար որոշել է 18 խաղով ազգային հավաքականից հեռացնել Նիկոլա Անելկային: Հարավային Աֆրիկայում Ռայմոն Դոմենեկի գլխավորությամբ մարզումներից մեկը բոյկոտելու համար հինգ խաղով որակազրկվել է նաեւ Պատրիս Էվրան: Ֆրանկ Ռիբերին որակազրկվել է երեք խաղով, Ժերեմի Տուլալանը ստիպված կլինի բաց թողնել ազգային հավաքականի մեկ հանդիպում, հաղորդում է Ռոյթերսը: