ՆախընտրելիԵրեւանի ճանապարհային ոստիկանությունը 16.30-ի սահմաներում ահազանգ է ստացել, որ մայրաքաղաքի Նոր Նորք վարչական շրջանի Դավիթ Բեկ փողոցում տեղի է ունեցել խոշոր վթար։ Դեպքի վայրից ֆոտոլրագրող Գագիկ Շամշյանը NEWS.am-ին հաղորդում է, որ իրար են բախվել 3 մեքենաներ։ Մեքենաների վարորդները տարբեր աստիճանի մարմնական վնասվածքներով տեղափոխվել են հիվանդանոց։ (ֆոտոռեպորտաժ)
Ըստ նախնական տեղեկությունների՝ Հայաստանում ԱՄՆ դեսպանատան դիվանագիտական համարանիշով Dodge Durango մակնիշի մեքենան դուրս է եկել ճանապարհի հանդիպակաց հատված, ու բախվել LADA 110 եւ KAMaz մակնիշի մեքենաներին։ Վթարի վայրում այս պահին աշխատում են Երեւանի ճանապարհային ոստիկանության աշխատակիցները եւ Ճանապարհային ոստիկանության քննչական բաժնի ճանապարհային հանցագործությունների եւ պատահարների քննության բաժնի քննիչը։ Ներկայումս Դավիթ Բեկ փողոցի այդ հատվածը փակված է երթեւեկության համար։
Լուսանկարը եւ տեսանյութը՝ Գագիկ Շամշյանի
