Առաջին պատանեկան Օլիմպիական խաղերում Հայաստանը նվաճեց չորրորդ մեդալը: Ձյուդոյի մրցաշարում Դավիթ Ղազարյանը պայքարեց 66կգ քաշային կարգի բրոնզե մեդալի համար եւ դժվար գոտեմարտում առավելության հասավ վրացի Բեկա Տուգուշիի նկատմամբ: Հիմնական չորս րոպեների ընթացքում մարզիկները մեկական յուկոյի հնարք կատարեցին: Լրացուցիչ ժամանակում Դավիթ Ղազարյանը հաղթեց մեկ յուկոյի առավելությամբ` 2:1: Չեմպիոն դարձավ ամերիկացի Մաքսիմիլիան Շնայդերը, որին էլ պարտվել է Դավիթ Ղազարյանը եզրափակիչ դուրս գալու համար: