նախընտրելի դարձնել
Լոնդոնի համալսարանի Քրեական քաղաքականության հետազոտությունների ինստիտուտի (Institute for Criminal Policy Research) զեկույցի համաձայն՝ աշխարհում կա 700 հազար կին բանտարկյալ։ Ինստիտուտի գիտնականները 219 երկրներից տեղեկություններ են հավաքել եւ պարզել, որ 2000թ.-ից աշխարհում բանտարկված կանանց թիվը կրկնապատկվել է։
Այդ աճը գերազանցել է տղամարդկանց համանման ցուցանիշը։ Փաստաթղթում նշվում է, որ հատկապես մեծացել է բանտարկյալ կանանց թիվը Սալվադորում, Բրազիլիայում, Կամբոջայում եւ Ինդոնեզիայում, հայտնում է BBC-ի Ռուսական ծառայությունը։ Զեկույցում ասվում է, որ այդ թիվը իրականում կարող է ավելի մեծ լինել, քանի որ շատ երկրներ չեն բացահայտում իրենց բանտային վիճակագրությունը։
Զեկույցի հեղինակները կարծում են, որ կառավարությունը պետք է ավելի շատ ուշադրություն դարձնի այդ տվյալներին, քանի որ բանտարկյալ կանայք հաճախ իրենք են հանցագործությունների զոհեր հանդիսանում։
