նախընտրելի դարձնել
Տավուշի մարզում նախօրեին հակառակորդի կրակոցներից վիրավորվել են Այգեհովիտ համայնքի երկու բնակիչ:
NEWS.am-ին Իջեւանի բժշկական կենտրոնից հայտնեցին, որ վիրավորները տեղափոխվել են իրենց մոտ, վիճակները կայուն է:
«Բեկորային վնասվածքներ են ստացել, համապատասխան բուժօգնություն են ստացել, հիմա վիճակները նորմալ է»,.- ասաց ԲԿ-ի տնօրեն Նարեկ Վանեսյանը:
Վիրավորներից մեկը պապիկ է՝ մոտ 70 տարեկան, մյուսը՝ միջին տարիքի կին:
Նշենք, որ հակառակորդի կրակոցներից վիրավորվել են նաեւ Բերդավանի երկու բնակիչ: Նրանք գտնվում են Նոյեմբերյանի բժշկական կենտրոնում:
Հիշեցնենք, որ սեպտեմբերի 24-ին հակառակորդը կրակել է հայկական գյուղերի ուղղությամբ: 3 խաղաղ բնակիչ զոհվել է:
