Գվատեմալայի իշխանությունները որոշել են բարձրացնել երկրի քաղաքացիների համար ամուսնության թույլատրելի տարիքը՝ այն հասցնելով  18-ի։

Նման քայլի անհրաժեշտության մասին պնդում էին իրավապաշտպան կազմակերպությունները, որոնք նշում էին, որ ամուսնության ցածր տարիքը ձեռնտու է հանցագործներին, որոնք երեխաներին վաճառում են արտասահմանում, ինչպես նաեւ հանգեցնում է պարմանուհիների մոտ  հղիության մեծ թվի, տեղեկացնում է BBC-ի ռուսական ծառայությունը։ 

Մինչեւ վերջերս Գվատեմալայում աղջիկներին թույլատրվում էր ամուսնանալ  14, իսկ տղաներին՝ 16 տարեկանից։ ՄԱԿ-ի տվյալներով, միայն անցյալ տարվա ընթացքում   74 հազար երեխա է ծնվել  15-ից 19 տարեկան մայրերից։