Հայաստանի՝ ԵԱՏՄ-ին անդամակցության շնորհիվ մենք բեռնափոխադրումների վրա մոտ  10 տոկոս ժամանակ եւ ծախսեր ենք խնայում։  Այդ մասին նոյեմբերի  7-ին լրագրողներին ասել է  «Սպայկա» ԲԲԸ-ի (Հայաստանից թարմ մրգերի եւ բանջարեղենի ամենախոշոր արտահանողը) նախագծերի կառավարման բաժնի պետ Կարեն Բաղդասարյանը  Հայաստանի նախագահ Սերժ Սարգսյանի՝ ձեռնարկություն այցի ընթացքում։ 

«Դա մեր ոլորտում բավականին լուրջ առավելություն է։ Դրան պետք է հավելել նաեւ արտահանման նոր հնարավորությունները ոչ միայն դեպի Ռուսաստան, այլեւ Բելառուս եւ Ղազախստան, ինչպես նաեւ Ղրղըզստան»,  - հավելել է Բաղդասարյանը։

Ինչպես նշել է «Արարատի կոնյակի գործարան» ԲԲԸ-ի տնօրեն Սարգիս Վարժապետյանը, ԵԱՏՄ-ին անդամակցումը թույլ է տալիս սահմանի վրա ներմուծման համար ԱԱՀ չվճարել։ Դա մեզ օգնում է ավելի արագ եւ հարմարավետ ներմուծել ապակե տարաներ», - հավելել է նա։

Հիշեցնենք, որ Եվրասիական Միության անդամ հանրապետությունների միջեւ ԱԱՀ-ն կարելի է վճարել մինչեւ հաջորդ ամսվա  20-ը։