նախընտրելի դարձնել
Եվրամիությունը ողջունում է ադրբեջանցի քաղաքագետ Արիֆ Յունուսի ազատ արձակումը:
«Ես ողջունում եմ Բաքվի վերաքննիչ դատարանի որոշումը՝ պատմաբան եւ մարդու իրավունքների ոլորտի ակտիվիստ Արիֆ Յունուսի խափանման միջոցը ստորագրությամբ չհեռանալով փոխելու վերաբերյալ»,-լրագրողների հետ հանդիպման ժամանակ նշել է Բաքվում ԵՄ ներկայացուցչության ղեկավար Մալենա Մարդը:
«Սա ուրախալի պահ է եւ դրական մարդասիրական արարք: Հույս ունեմ, որ այս գործընթացը կշարունակվի: Ընդհանուր առմամբ, ԵՄ-ն պատրաստ է էլ ավելի ընդլայնել ու խորացնել համագործակցությունը եւ համապատասխան երկխոսությունն Ադրբեջանի հետ»,-ընդգծել է Մարդը:
Հիշեցնենք, որ ամուսիններ Արիֆ եւ Լեյլա Յունուսները մեղադրվում են մի շարք հոդվածներով, այդ թվում Հայաստանի հատուկ ծառայությունների հետ համագործակցելու մեջ:
Նրանց, ինչպես նաեւ մի շարք այլ քաղբանտարկյալների դեմ հետապնդումները բացասական արձագանք են ստացել Արեւմուտքում:
