Նոյեմբերի 11-ի լույս 12-ի գիշերը սկսված ուժեղ քամու հետեւանքով Արագածոտնի մարզկենտրոնի՝ Աշտարակի Շիրազի եւ հարակից փողոցներն  արդեն 20 ժամ է հոսանքազրկված են:

Մինչդեռ Արագածոտնի մարզպետարանի Տեղեկատվության և հասարակայնության հետ կապերի բաժնի պետ Սաթենիկ Զորյանը՝ այսօր՝ նոյեմբերի 14-ին, NEWS.am-ի հետ զրույցում ասել էր, որ մարզկենտրոնում ժամը 16:00-ի դրությամբ էլեկտրամատակարարումը ամբողջովին վերականգնվել է: 

Աշտարակ քաղաքի բնակիչների ահազանգերից հետո, սակայն, Սաթենիկ Զորյանը, հստակեցրեց, որ մարզկենտրոնում մասնակի է վերականգնվել էլեկտրամատակարարումը՝ հավելելով, որ աշխատանքներ են տարվում համալիր վերականգնման ուղղությամբ:

Նշենք, որ ահարկու քամիների հետեւանքով հոսանքազրկված են Լոռու մարզի 63 համայնք: