նախընտրելի դարձնելԱռնվազն 19 մարդ է տարհանվել Կասպից ծովի «Գյունեշլի» կոչվող ծովային նավթագազային հանքավայրի հարթակից, որտեղ հրդեհ է բռնկվել, ասված է Ադրբեջանի պետական նավթային ընկերության (SOCAR) Twitter-ի պաշտոնական էջում:
SOCAR-ի կայքում տեղադրված հաղորդագրության համաձայն, նավթային 10-րդ ծովային հարթակի վրա հրդեհը սկսվել է նախորդ երեկոյան` գազատարի վնասման հետեւանքով:
Ճշտվում է, որ միջոցներ են ձեռք առնվել աշխատակիցների տարհանման համար, գործի են դրվել արտակարգ իրավիճակների նախարարության միջոցները, քարշակներ եւ հակահրդեհային նավեր: Նրանց աշխատանքը բարդացել է ուժեղ քամու հետեւանքով:
Ադրբեջանական APA գործակալությունը շաբաթ օրն իր հերթին տեղեկացնում է` վկայակոչելով «Ազնավթ» ընկերությանը կից ստեղծված օպերատիվ շտաբին, որ հարթակից 25 մարդ է տարհանվել, տուժածներ չկան:
