Այսօրվա դրությամբ Սեւանա լճում ջրի մակարդակը կազմում է  1900 մ 20 սմ. Անցյալ տարվա նույն ժամանակաշրջանի ցուցանիշի համեմատ   (1900 մ 13 սմ)  7 սմ-ի բարձրացում է արձանագրվել: Այդ մասին  դեկտեմբերի   23-ի ամփոփիչ մամուլի ասուլիսին հայտնել է Հայաստանի բնապահպանության նախարար Արամայիս Գրիգորյանը:  

Նախարարը հիշեցրել է, որ 2001-ին պլանավորվել էր նշված ժամանակահատվածում ջրի մակարդակը բարձրացնել   3 մ 2 սմ-ով: «Սակայն այսօր մեզ մոտ բարձրացումը կազմում է   3 մ 89 սմ, այսինքն մենք արդեն գերազանցել ենք պլանավորված մակարդակը: Արփա-Սեւան թունելի շինարարությունը որոշ չափով բարդացնում է ջրի ավելի մեծ քանակության հոսքը լիճ: Սակայն կարծում եմ, որ երբ թունելի կառուցումը ամբողջությամբ ավարտվի, մենք շատ արագ կհասնենք   3,5 սմ նիշին», - նշել է Գրիգորյանը: Նախարարը նաեւ հավելել է, որ մեծացել է Սեւանա լճի թափանցիկությունը` 8 մ-ից մինչեւ 16 մ: