նախընտրելի դարձնելՄոնղոլիայում ուսումնական թռիչքի ժամանակ աղետի է ենթարկվել «Մի-8» ուղղաթիռը, հաղորդում է «Սինհուան»՝ վկայակոչելով ռազմական աղբյուրը:
Հաղորդվում է, որ վթարի ժամանակ օդաչուն մահացել է, եւս 10 մարդ վիրավորվել է:
Աղբյուրի փոխանցմամբ, ուղղաթիռը վթարի է ենթարկվել երկրի մայրաքաղաքից 50 կմ հեռավորության վրա:
Տեղի լրատվամիջոցների փոխանցմամբ, ուղղաթիռը, հնարավոր է, փորձել է վթարային վայրէջք կատարել, սակայն դա նրան չի հաջողվել: Այդուհանդերձ, աղետի կոնկրետ պատճառները դեռ հայտնի չեն:
Նշվում է, որ Մոնղոլիայի զինվորականները հետաքննություն են սկսել:
