Երեւանի Խորենացի 26ա հասցեում տեղի ունեցավ Արդշինբանկի վերանորոգված «Ուրարտու» մասնաճյուղի բացման արարողությունը: 

Արդշինբանկի Մանրածախ բիզնեսի տնօրեն Արթուր Գյուլազյանը շնորհավորեց մասնաճյուղի աշխատակիցներին, հաճախորդներին եւ հյուրերին՝ մասնաճյուղի բացման կապակցությամբ:

Բանկի ֆիրմային ոճին համապատասխանեցված արդիականացված մասնաճյուղն այսուհետ կտրամադրի սպասարկման ավելի հարմարավետ պայմաններ թե՛հաճախորդներին եւ թե՛ Բանկի աշխատակիցներին:

Նշենք, որ Արդշինբանկն ունի հանրապետությունում խոշորագույն մասնաճյուղային ցանցերից՝ ներառելով 55 մասնաճյուղ, եւ իր հիմնական ֆինանսական ցուցանիշներով ավանդաբար զբաղեցնում է առաջատար դիրք ՀՀ բանկային համակարգում: