նախընտրելի դարձնել
ՀՅԴ-ն մտադիր է ձեռնպահ մնալ Լեռնային Ղարաբաղի անկախության ճանաչման մասին «Ժառանգություն» կուսակցության նախաձեռնած օրինագծի քվեարկության ժամանակ։ NEWS.am-ի թղթակցի հետ զրույցում այս մասին հայտարարեց ՀՅԴ Գերագույն մարմնի ներկայացուցիչ Արմեն Ռուսատմյանը։
Նրա խոսքով, վատ կլինի, եթե կուսակցությունը փաստաթղթին դեմ քվեարկի, դա սխալ կընկալվի երկրի ներսում եւ դրա սահմաններից դուրս։ «Սակայն մենք դեմ ենք, որ հարցը խորհրդարանի օրակարգ մտնի այս ձեւով»,- հայտարարեց Ռուստամյանը։
Նշենք, որ Լեռնային Ղարաբաղի անակախության ճանաչման մասին «Ժառանգություն» կուսակցության նախաձեռնած օրինագիծը բացասական գնահատական էր ստացել ԱԺ արտաքին հարաբերությունների հանձնաժողովի կողմից, որի նախագահը Արմեն Ռուստամյանն է։ Չնայած դրան՝ փաստաթուղթն արտահերթ կարգով մտցվել է խորհրդարանի կայանալիք քառօրյայի օրակարգ, որը տեղի կունենա ընթացիկ տարվա հոկտեմբերին։
