նախընտրելի դարձնել
Սիրիայի Լաթաքիայի նահանգից իրականացված հրետակոծությունը, որից օտարերկրյա լրագրողներ են տուժել, իրականացվել է Թուրքիայի տարածքից: Այդ մասին հայտնել է ՌԴ Պաշտպանության նախարարության պաշտոնական ներկայացուցիչ Իգոր Կոնաշենկովը, տեղեկացնում է «ՌԻԱ Նովոստին»:
Միջադեպը տեղի է ունեցել լրագրողների լրագրողական շրջանագայության ընթացքում այն բնակավայրերում, ուր արդեն վերադարձել էին խաղաղ բնակիչները:
Կոնաշենկովի խոսքով, ընդհանուր առմամբ ութ արկ է արձակվել լրագրողներից 150-ից 400 մ հեռավորության վրա: «Արդյունքում լրագրողները թեթեւ քերծվածքներ են ստացել», — ասել է նա:
Կոնաշենկովը պնդել է, որ վնասվածքներ են ստացել լրատվամիջոցների ներկայացուցիչներ Բուլղարիայից, Կանադայից եւ Չինաստանից: Գնդակոծությունն իրականացվել է Թուրքիայի տարածքից, ճշտել է նա:
Սիրիական բանակի սպաների տրամադրած տեղեկատվության համաձայն, գնդակոծությունն իրականացրել է «Ջաբհաթ ան-Նուսրա» խմբավորումը, որի վրա չի տարածվում հրադադարը:
