Վրաստանի նախագահ Գիորգի Մարգվելաշվիլին մարտի  2-ին կարգադրություն է ստորագրել  «Պատժի տարբեր չափեր կրող դատապարտյալների ներման վերաբերյալ», որի հիման վրա ներել է ընդհանուր առմամբ  155 բանտարկյալի, տեղեկացնում է  «Գրուզիա On-line»-ը:

Ինչպես լրագրողներին հայտնել է ներման հանձնաժողովի նախագահ Զվիադ Կորիձեն, նախագահի կողմից ներման արժանացած  105 մարդ, այդ թվում`   8 կին, հենց այսօր դուրս կգան բանտից: 

Ինչ վերաբերում է մնացած 50 բանտարկյալին, որոնց թվում մեկ անչափահաս եւ մեկ կին կա, կրճատվել է նրանց պատժի ժամկետը: 

Նախագահը որոշումը կայացրել է ներման հանձնաժողովի եզրակացության հիման վրա, որը փետրվարի 21−23-ի նիստերի ընթացքում  1178 բանտարկյալի գործ է քննել եւ իր հանձնարարականներն է ներկայացրել Գիորգի Մարգվելաշվիլիին: