Նախընտրելի
Լրագրողական երեք կազմակերպություններ մարտի 1-ին դիմել են Ազգային ժողովի էթիկայի ժամանակավոր հանձնաժողով՝ պահանջելով քննարկել իրենց հայհոյած ՀՀԿ խմբակցության պատգամավոր Մհեր Սեդրակյանի (Թոխմախի Մհեր) վարքը: Այս մասին այսօր՝ մարտի 2-ին, NEWS.am-ի հետ զրույցում ասաց «Լրագրողների միավորում» ՀԿ նախագահ Փայլակ Ֆահրադյանը:
«Մեր դիմումում լրագրողներին «նախիր» ասելու մասը չենք ներառել, քանի որ դրա ձայնագրությունը չունենք, ներառել ենք միայն լրագրողներին հայհոյելու մասը, որպեսզի քննարկեն՝ արդյոք պատգամավորը խախտել է էթիկայի նորմը, թե ոչ»,-ասաց նա:
Նշենք, որ Ազգային ժողովի էթիկայի ժամանակավոր հանձնաժողով են դիմել «Մեդիա եւ իրավունք», «Ազատ լրագրողների ասոցիացիա» եւ «Լրագրողների միավորում» ՀԿ-ները:
