Կրթության եւ գիտության նախարարության Կրթական տեխնոլոգիաների ազգային կենտրոնը (ԿՏԱԿ) հրապարակել է 2013-2014 ուսումնական տարում դպրոցից հեռացած կամ ուսումն անավարտ թողած աշակերտների մասին վիճակագրական տվյալներ:

Ըստ ԿՏԱԿ-ի՝ 2013-2014 ուս. տարում ուսումը կիսատ է թողել կամ դպրոցից հեռացել է 250 աշակերտ, որից 36-ը՝ աղջիկ:

Պարզվել է, որ աշակերտներից 143-ը դա արել են սոցիալական պայմանների պատճառով, 59-ին՝ ծնողները թույլ չեն տվել շարունակել ուսումը, 1-ն ունեցել է լսողական խնդիր, 3-ը՝ հենաշարժողականը, 5-ը՝ մտավոր թերզարգացում, 3-ը՝ բազմահաշմանդամություն, 5-ը մահացել են: Նշված ուսումնական տարում 25 տղա ուսումը չի շարունակել, քանի որ տեղափոխվել է քրեակատարողական հիմնարկ:

Նշենք, որ 2014-2015 ուսումնական տարվա տվյալները կլինեն 2016թ.-ի աշնանը: