նախընտրելի դարձնել
Բրյուսելի օդանավակայանում իրեն պայթեցրած Նաջիմ Լահրաուիի ավագ եղբայրը հայտնի մարզիկ է, գրում է Daily Mail-ը։
Պարբերականի տեղեկություններով՝ 29-ամյա Մուրադ Լահրաուին զբաղվում է թեքվանդոյով եւ հաջողությամբ ներկայացնում է Բելգիան միջազգային մրցույթներում։ 2015-ին նա արծաթե մեդալ էր նվաճել Հարավային Կորեայում աշխարհի առաջնության ժամանակ։
Ընտանիքը խզել էր կապերը Նաջիմի հետ, երբ նրա մոտ մոլեռանդ համոզմունքներ էին ի հայտ եկել։
«Մենք նրա մասին երեք տարի է՝ ոչինչ չենք լսել»,- ասել է ենթադրյալ ահաբեկչի հայրը։
Նա նաեւ մտահոգություն է հայտնել այն կապակցությամբ, որ կրտսեր որդու ահաբեկչական գործունեությունը կխանգարի Մուրադի կարիերային։
Հաղորդվում է, որ Լահրաուին մարոկկացի է։
