Իգոր Պուտինը՝ Ռուսաստանի վարչապետի զարմիկը, դարձել է Մաստեր-Բանկի փոխնախագահ։ Նա ընդգրկվել է Ռուսաստանի 100 խոշոր վարկային կազմակերպությունների կառավարման կազմի մեջ։

«Կոմերսանտ» պարբերականի հաղորդմամբ, Իգոր Պուտինն իր պարտականությունների կատարմանն անցել է դեռեւս սեպտեմբերի 20-ից։ Նա պետք է զբաղվի բանկի ռազմավարության իրականացմամբ, որը կօգնի բանկին ընդգրկվել Ռուսաստանի  բանկերի Թոփ-100-ի մեջ։

Պարբերականը գրում է, որ  Պուտինը բանկային ոլորտում մեծ փորձ չունի, սակայն բարեկամական կապերը պետք է ավելացնեն Մաստեր-բանկի ադմինիստրատիվ ռեսուրսը։ Ռուսաստանում լայնորեն տարածված է բաձրաստիճան պաշտոնյայի բարեկամին խոշոր բանկերում բարձր պաշտոնին նշանակելը։  Ըդն որում, նույնիսկ անհրաժեշտ չէ կատարել որեւէ իրական աշխատանք։

Իգոր Պուտինն ավարտել է Մոսկվայի էկոնոմիկայի եւ իրավունքի ինստիտուտը։