նախընտրելի դարձնել
Եվրասիայի խորհրդարանների խոսնակները կարող են հայտարարություն անել ահաբեկչության անընդունելիության եւ այդ սպառնալիքին հակազդելու համար խորհրդարանական ուժերին միավորելու մասին։ Նման պարագրաֆ կա խորհրդակցությունների ավարտին ընդունած ամփոփ փաստաթղթի նախագծում։ Այս մասին հայտնել է ՌԴ Պետդումայի խոսնակ Սերգեյ Նարիշկինը, փոխանցում է «ՌԻԱ Նովոստի»-ն։
Եվրասիայի խորհրդարանների խոսնակների խորհրդակցությանը մասնակցում են 19 պետությունների ներկայացուցիչներ։ Հանդիպման թեման է «21-րդ դարում Եվրասիայի երկրների բարեկեցության շահերից բխող միջխորհրդարանական համագործակցությունը»։
«Մեր ամփոփ փաստաթղթի նախագծում առանձին պարագրաֆ կա, որը ահաբեկչության անընդունելիության եւ այդ սպառնալիքին հակազդելու համար խորհրդարանական ուժերին միավորելու մասին դրույթ է պարունակում»,- ասել է Նարիշկինը։
