նախընտրելի դարձնել
Ռուսաստանի նախագահ Վլադիմիր Պուտինը հայտնել է, որ երկրին նրա ընդդիմախոսների կողմից տեղեկատվական նոր գրոհներ են սպասում: Նա նաեւ հայտնել է այն ամսաթվերը, երբ պետք է նման «նետումներ» սպասել:
«Այժմ` մայիսի 9-ի մոտերքում ինչ-որ բան կձեռնարկեն: Հետո Պետդումայի ընտրություններին մի բան կմտածեն, հետո` նախագահական: Մեզ մոտ 100 տոկոսով այդպես է», - հայտնել է ՌԴ նախագահը ՀԺԿ-ի ֆորումին, հայտնում է ՏԱՍՍ-ը:
Բացի այդ, Պուտինը նշել է, որ երկրի եւ անձամբ իր վրա տեղեկատվական գրոհները «մեր ընդդիմախոսների» արձագանքն են պետության ամրապնդմանը:
«Եթե մենք համաձայնեինք եւ հաճոյանայինք, բոլորի համար լավը կլինեինք: Ճիշտ է, մենք աստիճանաբար կկորցնեինք մեր նշանակությունը, իսկ նշանակության կորստից հետո հաջորդ քայլը, կարծում եմ, մեր ինքնիշխանության եւ ապագայի հեռանկարների կորուստը կլիներ», - հայտնել է Պուտինը հավելելով, որ Մոսկվան երբեք նման բան թույլ չի տա:
