Դիվանագետ Լեւոն Սարգսյանը նշանակվել է «Ոսկե ծիրան» միջազգային կինոփառատոնի  պատվավոր նախագահ։  Հոկտեմբերի 1-ին լրագրողների հետ հանդիպմանն այս մասին ասաց «Ոսկե ծիրան» կինոփառատոնի տնօրեն Հարություն Խաչատրյանը։

«Հիմա պարոն Սարգսյանը ձեռքերը քշտած մեր հետ միասին պետք է այս ամբողջ հոգսի ու ծանրության տակ մտնի»,-նշեց փառատոնի տնօրենը։
Իսկ հանդիպմանը ներկա Լեւոն Սարգսյանն էլ NEWS.am-ի թղթակցի այն հարցին, թե  որպես փառատոնի պատվավոր նախագահ ինչպե՞ս  է պատրաստվում նպաստել փառատոնի զարգացմանն, ասաց. «Բավականին դժվար հարց տվեցիք, ինչ-որ իմ ուժերը ների` կփորձեմ անել, այլ կերպ չեմ պատկերացնում, թե ինչպես պետք է օգնեմ։ Երեւի կօգտագործեմ իմ կապերը Սփյուռքում, Մերձավոր Արեւելքում։ Առանձնապես ծրագիր չունենք»:

Նա նաեւ նշեց, որ իր նշանակման մասին Հարություն Խաչատրյանն ընդամենը 2 օր առաջ է իրեն տեղյակ պահել:

Նշենք, որ Լեւոն Սարգսյանը ՀՀ նախագահ Սերժ Սարգսյանի եղբայրն է։