նախընտրելի դարձնել
Ադրբեջանի պաշտպանության նախարարության ռազմական ոստիկանության վարչության ղեկավարն ազատվել է իր պաշտոնից եւ ուղարկվել կադրերի տրամադրության տակ:
Ադրբեջանական APA գործակալությանը տված հարցազրույցում Պաշտպանության նախարարության լրատվական ծառայության տեղակալ Թեյմուր Աբդուլաեւը ասել է, որ չհիմնավորված շշուկները` կապված գեներալ-լեյտենատ Բաքվի ռազմական միավորման հրամանատար Ռովշան Ակբերովի պաշտոնանկման հետ, չի համապատասխանում իրականությանը։
«Ռովշան Ակբերովը դեռ իր պաշտոնին է։ Պարզապես լրատվամիջոցները խառնել են։ Իրականում ռազմական ոստիկանության ղեկավար, գնդապետ Ռովշան Մագերամովն է ուղարկվել կադրերի տրամադրության տակ։
Ավելի վաղ, ադրբեջանական լրատվամիջոցներում տեղեկատվություն էր տարածվել, որ Պաշտպանության նախարար Սաֆար Աբիեւը պաշտոնից ազատել եւ Բաքվի ռազմական միավորման կադրերի տրամադրության տակ էր ուղարկել գեներալ-լեյտենանտ Ռովշան Ակբերովին։
