նախընտրելի դարձնել
Ռուսաստանի Անվտանգության խորհրդի նախաձեռնությամբ, Սոչիում կայանալիք` անվտանգության հարցերը համակարգող պաշտոնյաների միջազգային հանդիպմանը մասնակցելու նպատակով այսօր` հոկտեմբերի 4-ին Սոչի է մեկնել Հայաստանի Ազգային անվտանգության խորհրդի քարտուղար Արթուր Բաղդասարյանի գլխավորած պավիրակությունը:
Շուրջ վեց տասնյակ երկրների պատվիրակությունները երկու օր կքննարկեն անվտանգության համաշխարհային մարտահրավերներին միասին դիմակայելու հնարավորությունները, մասնավորապես` քննարկման առարկա կդառնան տեղեկատվական անվտանգությանն սպառնացող մարտահրավերները, բնական եւ տեխնածին աղետների, ահաբեկչության, թմրամիջոցների ապօրինի շրջանառության, անօրինական միգրացիայի, զենքի եւ ռադիոակտիվ նյութերի անօրինական շրջանառության դեմ պայքարի հարցերը:
Ազգային անվտանգության խորհրդի քարտուղարի մամուլի գրասենյակից NEWS.am-ին հայտնեցին, որ Արթուր Բաղդասարյանը Սոչիում նաեւ երկկողմ հանդիպումներ կունենա Ռուսաստանի, Հնդկաստանի, Չինաստանի, Միացյալ Արաբական Էմիրությունների, Բուլղարիայի, Ավստրիայի պատվիրակությունների ղեկավարների հետ:
Պատվիրակությունը Երեւան կվերադառնա հոկտեմբերի 6-ին:
