նախընտրելի դարձնելՀուլիսի 15-ի երեկոյան Թուրքիայի իշխանությունները հայտարարել են զինվորականների կողմից պետական հեղաշրջման փորձի մասին: Անկարայի եւ Ստամբուլի փողոցներում բախումներ են տեղի ունեցել նախագահ Էրդողանի եւ հեղաշրջման փորձի կողմնակիցների միջեւ: Օդ են բարձրացել ռազմական ավիացիան, քաղաքների փողոցներում զինվորական տեխնիկա է հայտնվել, բախումներն ուղեկցվել են կրակոցներով եւ պայթյուններով: Սպանվել է մի քանի տասնյակ մարդ:
Մի խումբ զինվորականներ հայտարարել են երկրում իշխանությունը վերցնելու մասին՝ սահմանադրական կարգը վերականգնելու, մարդու իրավունքներն ու ազատությունները ապահովելու նպատակով: Թուրքիայի վարչապետ Բինալի Յըլդըրըմը հայտարարել է տեղի ունեցող իրադարձությունների անօրինական լինելու մասին: Նախագահ Ռեջեփ Թայիփ Էրդողանը հայտարարել է, որ հեղաշրջման փորձը ձախողվել է եւ ամբողջությամբ կճնշվի: Լրատվամիջոցները հաղորդում են զանգվածային ձերբակալությունների մասին:
NEWS.am-ը ներկայացնում է Թուրքիայում իրադարձությունների ժամանակագրությունը.
- Թուրքիայի վարչապետ Բինալի Յըլդըրըմը հայտարարել է, որ զինվորականների խումբը հայտարարել հեղաշրջման փորձ է կատարել:
- Թուրքական ավիացիան ահազանգով օդ է բարձրացել:
- Փակվել է Աթաթուրքի անվան օդանավակայանը:
- Թուրք զինվորականները հայտարարում են Ռեջեփ Թայիփ Էրդողանի ռեժիմը տապալելու եւ երկրում վերահսկողություն հաստատելու մասին:
- Թուրքիայի գլխավոր շտաբի պետ Հուլուսի Աքարը պատանդառվել է:
- Ռուսաստանի ԱԳ նախարար Սերգեյ Լավրովը հայտարարել է Թուրքիայում խնդիրները լուծելու եւ սահմանադրական դաշտ վերադառնալու անհրաժեշտության մասին:
- Թուրքիայի նախագահ Էրդողանը պետական հեղաշրջման փորձի մեջ մեղադրել է Գյուլենի շարժման հետ կապ ունեցող խմբին:
- Անկարայում ուժեղ պայթյուն է որոտացել, լսվում են կրակոցներ:
- Թուրքիայի նախագահ Ռեջեփ Թայիփ Էրդողանը քաղաքական ապաստան է խնդրում Գերմանիայում:
- Տանկերը կրակ են բացում Թուրքիայի խորհրդարանի շենքի վրա:
- ԱՄՆ-ում կարծում են, որ Թուրքիայում պետական հեղաշրջման փորձն ընթանում է ամբողջ թափով:
- Էրդողանի կոչից հետո Ստամբուլի Թաքսիմի հրապարակում մարդիկ են հավաքվել:
- Եվրամիությունը կոչ է արել «Թուրքիայում բոլոր կողմերին զսպվածություն ցուցաբերել եւ հարգել ժողովրդավարական ինստիտուտները»:
- Մեծ Բրիտանիայի կառավարությունը անհանգստություն է հայտնել Թուրքիայում իրավիճակի առթիվ:
- Ռուսաստանը հայտարարել է, որ շահագրգռված է, որ Թուրքիայում տեղի ունեցողն ավարտվի լեգիտիմ ձեւով, եւ երկիրը վերադառնա կայունության ուղի:
- Զինվորականները կրակ են բացել մարդկանց ուղղությամբ Բոսֆորի կամրջի վրա, կան վիրավորները:
- Թուրքիայի նախագահ Ռեջեփ Թայիփ Էրդողանի գտնվելու վայրն անհայտ է:
- Անկարայի երկնքում թուրքական ռազմաօդային ուժերին պատկանող F-16 կործանիչը խփել է պետական հեղաշրջման մասնակիցների ուղղաթիռը:
- Թուրքիայի վարչապետն ահաբեկչություն է անվանել պետական հեղաշրջման փորձը:
- ԱՄՆ նախագահ Բարաք Օբաման կոչ է արել աջակցել Թուրքիայի «ժողովրդավարական եղանակով ընտրված» կառավարությանը:
- Անկարայում 17 ոստիկան է սպանվել:
- Ֆետհուլլահ Գյուլենի ներկայացուցիչները հերքում են պետական հեղաշրջման հետ իրենց կապը:
- Լրատվամիջոցները հաղորդում են երկրի խորհրդարանի շենքում նետված ռումբի մասին:
- ՆԱՏՕ-ն կոչ է արել Անկարային «զսպվածություն եւ հարգանք դրսեւորել Թուրքիայի Սահմանադրության եւ ժողովրդավարական ինստիտուտների նկատմամբ»:
- Թուրքիայի իշխանությունները հայտարարել են պետական հեղաշրջումը կանխելու մասին:
- Երկրի օդային տարածքն ամբողջությամբ փակվել է՝ կապված ռազմական հեղաշրջման հետ:
- Զինվորները գրոհում են Թուրքիայի արբանյակային հեռուստացանցի շենքը:
- Հզոր պայթյուն է որոտացել Աթաթուրքի անվան միջազգային օդանավակայանում:
- Լրատվամիջոցները հայտնում են Թուրքիայի զինված ուժերի հրամանատարության շարքերում պառակտման մասին:
- Թուրքիայի նախագահի օդանավը վայրէջք է կատարել Ստամբուլի միջազգային օդանավակայանում:
- Թուրքիայի նախագահ Էրդողանը խոստացել է խստորեն պատժել հեղաշրջմանն առնչություն ունեցող անձանց:
- Թուրքիայի իշխանությունները հայտնում են երկրում հեղաշրջման ժամանակ առնվազն 60 զոհի մասին:
- Թուրքիան փակել է Բոսֆորի նեղուցը տանկերների համար:
- Հայտնի է դարձել Թուրքիայում պետական հեղաշրջման կազմակերպչի անունը. Նա գնդապետ Մուհարեմ Քոսեն է:
- 336 մարդ է ձերբակալվել Թուրքիայում հեղաշրջումից հետո:
- Պաշտոնական Երեւանը մեկնաբանել է Թուրքիայի իրադարձությունները:
- Թուրքիայում ռազմական հեղաշրջման մասնակիցները հայտարարել են պայքարը շարունակելու մասին:
5 գեներալ եւ 29 գնդապետ է հեռացվել պաշտոններից հեղաշրջման փորձից հետո:
Թուրքիայում սպանվել է հեղաշրջման 16 մասնակից, 250-ը ձերբակալվել են:
Թուրքիայում Էրդողանը զանգվածային բռնություններ է ծավալել:
Իրանն անհանգստացած հետեւում է Թուրքիայում ծավալվող իրադարձություններին:
Թուրքիայի գլխավոր շտաբը նոր տեղեկություններ է հայտնում զոհերի մասին:
